To eka tuochewa ema noting’o, kendo chandruokwa ema ne ture. Wan - TopicsExpress

To eka tuochewa ema noting’o, kendo chandruokwa ema ne ture. Wan to ne waparo ni masira mane oyudono ne kum mane Nyasaye omiye nikech richone owuon,to kara ne ochwowe nikech kethowa. Ee, ne osande nikech richowa. Sand mane oyudo ema kelonwa kue, kendo wachango nikech chwat mane ochwadego. ISAYA 53:4-5. WENDE NYASAYE 36: Ruoth Yesu, nithona (My Jesus, I Love Thee) Ruoth Yesu, nithona, koro aheri; Kuom tekoni nawe richona duto; In ma jawar mang’won, rembi nochwerna; Koro, Yesu Ruodha, aheri adier. Aheri nikech nihera mokwongo, Niting’o richona e yadh Kalwari; Nichandori malit nikech richona; Koro, Yesu Ruodha, aheri adier. Anaheri pile nyaka chieng’ thona; Anapaki pile ka pod angima; Ka ngimana norum, to pod nawachni, Koro, Yesu Ruodha, aheri adier. Eka kwadak kodi e dala Nyasaye, E pinyruoth manyienno nadendi pile. Kosidhna osimbo napaki kawer: Koro, Yesu Ruodha, aheri adier.