Tumu pagi Igat Mit niki ke atas helideck meda mata panas ti benung manchar pegari meri penampak ke dunya. Ribut ti bepuput berasai chelap ngerimbas mua, chukup nyamai meri pengelantang ati ya. Maya tu meh tekenang ke Endu Kemayang. Ati ti seruran lelengau enda ulih di tat ke ag. 70 ari gawa ba tasik dalam, berambun ke nyawa ngelaban gelumbang asai ke nyawa ba ujung senapang. Kini penunga nuan dara? Puas udah aku ngiga, ambis urang endur betanya. Berasai neritik ai mata datai ke dagu. Enda ya nyangka jaku sengki ya tau ngasuh dara asi nyak telih lalu ninggal ka litan enda suman. Selamat pagi. Pegari panchar panas pagi tu nyilau ke mua ku.
Posted on: Tue, 10 Sep 2013 00:13:17 +0000