UN BOSQUEJO TA YUDA E PREDICADOR COMUNICA SU SERMON ORGANISADAMENTE Y DEN SECUENCIA. Pakico mester di un Bosquejo pa predica? Bo sa scucha hopi predicador bisa cu ami sí no ta gusta predica cu bosquejo. E realidad ta cu nan no sa kon hasi un bosquejo, of nan no ta tuma e debido tempo pa prepara un bosquejo, of tambe por ta cu nan no sa kon usa un bosquejo. E mayor trabou di un predicador ta pa sinta elaborá un bosquejo. Esaki ta exigui un tremendo disciplina y invershon di ora. Mi ta Reta cualkier pastor y predicadornan cu no ta kere den usa un bosquejo pa siña hasi un bosquejo, ya pa no predica disparate of papia payasada desde pulpito. Awe dia nos ta hañanos cu varios clase di predicadornan, cu pa falta di usa un bosquejo ta aburren, confundí e audiencia. TIN CUATER TIPO DI PREDICADOR CU TA CAUSA DESASTER: 1. E PREDICADOR- PERDÍ: Ta esnan cu desde, foi ora cu e anuncia su tema of titulo di su mensahe, te ora cu su sermón terminá, e ta perdí. Na bon papiamento; e ta papia sin pia, sin cabes. Na spaño nan ta bisa cu esta hablando disparate. Esaki ta pone cu ni e mes no sa di kico el a predica, en bes di trece un mensahe coherente. 2. E PREDICADOR- di ALABANSA: Tesun cu den cada sermon, lo mas cu e sa di hasi ta predica di e tres puntonan aki: I. GLORIA DIOS; II. AMEN; III. ALELUYA; y menos cu e sa di hasi ta predica e texto cu el a cita. Djis pa no tuma tempo emplea un bosquejo, bo ta hañanan ta keda canta alabansa bai goal sin predica un kos bon pa hende tende. 3. E PREDICADOR- di EXPERENCIA: Ta esnan cu tur e contenido di su mensahe ta bai basá den su experencia, 17 aña, 25 aña mi tin di experiencia. Nada contra un cu tin hopi experencia, pero Pastor y predicadornan. Dios no a jamanos pa nos predica nos experencia, sino pa predica Su Palabra. Tur e predicación ta concentra ariba su mes, buscando grandesa. 4. E PREDICADOR- VISIONARIO: Esaki tesun cu aunke e cita un pasashi bíblico, poniendo un titulo pa su sermón, y tog ta Nara e texto. Es decir na lugar cu e predica loke Dios a revelé, e ta predica loke den su experencia extática ta mira di su congregashon, y ta bisa bo aserca cu ta Spiritu Santo ta papia cu e iglesia. Pa motibo di falta di elabora bosquejo, hopi disparate ta tuma lugar desde Pulpitonan. Despues lo mi trece e Secreto Clave pa elabora un Bosquejo di un sermón cu base y bíblico pa esnan cu ta dispuesto pa siña predica cu frescura y diferente. Mgtr. R. Matheo Dortalina
Posted on: Wed, 06 Nov 2013 14:32:30 +0000
Trending Topics
Recently Viewed Topics
© 2015