VANGLAINI, I VANGLAINI A CHUAI PALH ANGE! The fundamental objective of journalism is to serve the people with news, views, comments and information on matters of public interest in a fair, accurate, unbiased and decent manner and language tiin Justice G.N. Ray Chairman, Press Council of India chuan “Norms of Journalistic Conduct” 2010-a publish ah khan chanchinthar lakhawmtute hna bulpui ber a sawi a. Mizo Award 2014 semnaa Pu K.Sapdangan, Vanglaini chanchinbuin Mizo mipuite tana ṭangkai nih a duh tia Mizo Award chungchang a sawi kha tlemin lo kai peng deuh hlek ta ila. Vanglaini hi hriat theuh angin Mizorama chanchinbu changtlung ber, darh zau ber leh online edition phei chu rintlak ber a ni. Regular taka internet-a an update avang hian advantage nasa tak an nei a. Chanchinbu dang te lakah a invawrh sang hle a ni. Ka lo fak ve thin a, ka sawisel thin bawk a. A thawk te zingah lo dawngsawng thiam an awm a, lo lawm vak lo pawh an awm tih ka hria. Pu Sapa hi Mizo te tana ngaihtuahna seng nasa a ni tih kan hria. A achievement hi a ropui ka lo ti a. Politician tam tak te aiin ka ngaisang zawk daih. Amaherawhchu, Vanglaini hian No.1 nihna a chelh zel dawn chuan Justice G.N.Ray-a thusawi hi uluk taka an ngaihtuah reng a pawimawh hle. A nih loh chuan Mizorama chanchinbu darhzau ber leh changtlung ber hi Mizo mipuite tana tangkai a ni reng thei lovang. Vanglaini, I vanglaini a chuai palh ange!
Posted on: Mon, 01 Dec 2014 06:42:40 +0000
Trending Topics
Recently Viewed Topics
© 2015