WORLD CUP ZING A TANEL DING ANTA BAWKA HRIET BEL VE MEI MEI DINGIN AW FIFA WORLD CUP LE RED CARD Group A thlir Chan chin tlangpui. 1. World Cup-a red card hmu hmasa tak - Placido Galindo (Peru). 14 July, 1930-a Romania le an inkhel tumkhan. 2. World Cup-a red card hmu inrang tak-Jose Batista (Uruguay). 1986-a Scotland le an inkhelin minute 1 na a ahmu. 3. World Cup khel ta final match-a mi 5-in red card an hmu ta a (match khata ni lovin)- Pedro Monzon (Argentina)-in a hmu hmasa tak a, 1990 final match-a anih. Marcel Desailly (France) chu final match (1998)-a hrat lem team-a mi red card hmu hmasa tak a ni bawk. 4. Rigobert Song (Cameroon) chu world cup-a red card vawi 2 hmu hmasa tak a ni (1994 le 1998). Chu hnunga Zinedine Zidane (France)-in a zui ve nawk anih (1998 le 2006). 5. South American ram 3 han red card hmu rawn tieng hma an thui mek a- Brazil(11 players), Argentina(10 players) le Uruguay (8 players). 6. Match khata red card phawr suok tam natak chu -2006 second round -a Netherlands vs Portugal inkhel a khan anih. Team pahni anthawkin red card 2 ve ve pek anih baka hi match-a hin yellow card khawm vawi *16 zet el chu phawr suok ani bawk. (Netherland le Portugal inkhel en inhawizie kha a en ve hai chun la hriet awm tak in na, card kha referee khan a phawr zawt zawt el anikha). ---- FIFA WORLCD CUP 2014 2014 FIFA World Cup The ;Greatest- Show on Earth tia hriet lar hi pasal football inelnaa chun football khawmpui lien tak a nia, khawvela ram dang danghai inelna dinga FIFA-in a butsei hi a tum 20-na ding ani. Hi football khawmpui lien hi Brazil a in nghat ning ati, ni 12 June to 13 July 2014 sungin khel ning ati. Brazil hin kum 1950 khan FIFA World Cup hi a lo mikhuol ta anih. Ni 7 March, 2003 khan FIFA thusuok chun kum 1978 hnung a ahmasa tak adin South America rama innghat a ni ding thu hi a pûng anih. Hi hin history pawimaw tak siemin chu chu FIFA World Cup hi Europe khawmuolpui puoa a zawma in nghat hmasa tak a nilei a nih. World Cup hmasa kha South Africa-a an nghat a nih kha, kan la hriet vawng awm a. Tu ta tum FIFA World Cup-a hin vawi 64 inkhel a um ding anih, khawpui 12-a stadium chei that le siem thara hai an khel ding a nih. Inkhel hmasa tak hi a aram neitu Brazil le Croatia han Arena de Sao Paulo, Sao Paulo mipui 68,000 inleng theinaa an khel ding anih, Final hi Estadio do Maracana, Rio de Janeiro, RJ mipui 76,935 inleng theinaa khel ni bawk atih. FIFA World Cup 2014-a hin a vawi khat na le ahmasa tak nadin goal-line technology chu hmang ni bawk ati.FIFA World Cup 2014-a hin kum 1930 an thawka champion ram lo ni ta Uruguay, Italy,Germany, England, Argentina, France ,Spain le aram neitu Brazil hai an inlang vawng thei a nih. SQUADS tiengpang FIFA World Cup 2014-a hin team tin mi 23 players an ziek lut thei ding anih, hitaka hin player 3 chu goal keeper an ni ding anih. Team tin hin tournament tan hma ni 10 la uma an players ding chu an submit fel vawng ding ani. Team hai hin an squad-a inhliem an nei/um chun an inkhel hmasatak hma darkar 24 uma a tlakna ding an sukfel ding ani. ----------- Group A BRAZIL CROATIA CAMEROON MEXICO BRAZIL Brazil hin qualifying khel lovin aramneitu an ni lein an tling sa ani.Brazil national team hi Brazilian Football- Confederation (CBF) hnuaia um a ni a, International Federation of Association Football (FIFA) member kum 1923 an thawk khan tu chen hin anlani, member of the South American Football Confederation (CONMEBOL) kum 1916 athawk khan anni bawk. Brazil hi FIFA World Cup Football-a chun a hlawtling pawl tak an ni a, Kum 1958, 1962, 1970, 1994 le 2002-a hai champion niin, kum 1950 le 1998-a pahnina an ni a, kum 1938 le 1978-a te pathumna an ni bawk. - FIFA World Cup um ta po po a anni chie hi inlang vawng thei um sun an ni. An ni chia hi khawmual (continents) dang dang pali Europe (1958 Sweden), South America (1962 Chile), North America (1970 Mexico and 1994 United States) le Asia (2002 Korea/Japan) a champion thei um sun an ni bawk. Luiz Felipe Scolari hnuia - Brazil team hi Kum 65 mi khawvela coach hmingthang tak tak laia mi Luiz Felipe Scolan enkawlna hnuia an khel ding ania, aram neitu an ni angin football a hnuhma neinul ta Coach hin kum 2002 hnunga a kir nawkna a hin a ram sung ngeia champion tum lovin a thlada chu ring aum nawh. CROATIA Croatia mens National Football Team hi Croatian Football Federation keihruina hnuaia a um anih. Kum 1945 khan SFR Yugoslavia ti in an inzawm khawm vawnga, 1945 and 1990 sung khan Croatia players hai khawm Yugoslavia national team tading hin an khel vawng ani. Hun a hunginher liempei a, Croatia chun Yugoslavia an thawkin zalenna a hmu a, kum 1991 khan tu laihnaia Croatia football team kan ti hi ahung pieng tan anih, kum 1993-a FIFA le UEFA-a member an thawkin member nina a dawng ve chau ani. UEFA Euro 1996 kha- major tournaments,an indang hnunga an khel hmasatak na niin kum 1998 khan a vawi khat nadin FIFA World Cup-a an inlang a, hetaka hin pathumna ngirhmun aumin hi tournament-a Top scorer Davor Suker an nei nghe nghe a nih kha! FIFAs Best Mover of the Year kum 1994 le 1998 khan an lo dawng ta bawk. Brazil FIFA World Cup hi tum nga an inlangna ding ani. Niko Kovac-a hnuia - Croatia team hi a vanglai a Croatian footballer, German club Bayern Munich Midfielder hlak Nio Kovac-a hnuaia an khel ding ani. Hi Croatia boss hin an ram national team hi a captain-na hnuia 2006 FIFA World Cup le UEFA Euro 2008-a hai a lo inlangpui ta ani. Kum 2013 an thawkin Croatia National team hi a keihrui tan ani. CAMEROON Africa ram lai tantu hau tak laia mi, jersey dinga zakuo le kekawr inzawm vawng hak lo tum ta, FIFA-in a pawmpui ta nawh, Cameroon national football team hi Federation Camerounaise de Football keihruina hnuia um ani a, The Indomitable Lions tia hriet lar an ni bawk. Cameroon national team hin kum 2014 thang in FIFA World Cup hi tum 7 a inlangna ding a ni, Africa ram laia Quarter Final lut thei hmasa tak niin, Italy World Cup 1990 kum khan Quater final an lut a,England hai chu vangdui tlak takin a hne zo tanaw anih. Africa khawmulpui football-a inelna sang tak African Cup of Nations-a vawi 4 - an champion ta bawk. Hi Cameroon team hin an midfielder dit lai Marc-Vivien Foe chu vangduitlak takin 2003 FIFA Confederations Cup semi-final Colombia le an khel tum khan an lo chan ta ani. An player thi ta lei khan FIFA World Cup 2014-a hin ngirhmun ditum taka ngir an tum ngei anih. Volker Finke-a hnuia Cameroon team hi German football manager le player nihlak Volker Finke a hnuia an khel ding ani.kum 65-a upa German Coach hin Cameroon National Team hi 2013 anthawk khan a enkawl tan. A hunlaia footballer tha tak el hin team trium tak siem a tum ngei ati . MEXICO Mexico national football team hi CONCACAF region-a an um a, Mexican Football Federation (FMF), Mexico rama football thuneitu pawl insangtak hnuia umin Estadio Azteca chu home ground a an hmang. Hi national team hin kum 2014 tel thangin FIFA World Cup-a vawi 14 an inlang na ding a ni a, kum 1994 an thawk khan a zawwin an lan inpet thling zie a ni. Kum 1970 le 1986 FIFA World Cup an ram ngeia innghat a nih khan Quater final an lo tlung veta bawk. Mexico hi CONCACAF region anthawk FIFA hrietpuina le pawmpuina inelna buotseia lawmman la thei um sun an ni a,kum 1999 khan FIFA Confederations Cup-a an champion a ni. FIFA World Rankings a 20 na an ni mek . Miguel Herrera-a hnuia Herrera hi Mexico Football Team han qualifying campaign an nei sunga mi pali an rutna a ni a, a ma keihruina hnuia hin an harsatna chu sukiengin a uma Brazil hi anpan thei ding anta. Herrera hi player hlui a ni a, defender-a akhel hlak Mexico ta dinawi 14 a lo inlang ta bawk. Kum 1993-a Copa America final-a Argentina hne lovio Mexico an hratnw tum khan Mexico player pawimaw tak le team ta dinga thangkai tak laia mi a ni nghe nghe. Kum 2002 khan coaching-a bul tanin Mexican League-a team nga zet a lo keihrui ta a ni.
Posted on: Wed, 11 Jun 2014 06:37:51 +0000
Trending Topics
Recently Viewed Topics
© 2015