Wednesday 14/1/2015 Todays word Isaiah 58: 10 10. Ona gutuike ati ngoro yaku niikuiguira mundu muhutu tha, o nake mundu uria munyarire umuhe kiria abatairio nikio gia kumuigana ri hindi io niguo utheri waku ugathera kuria kwari nduma ndumanu, o nayo nduma iria wi nayo ituike o ta muthenya barigici. Ngai arathime kiugo giake nake roho mutheru ataurire ngoro yaku. Ngaragu ni cia mithemba miingi, na gutiri ngaragu ihanaine na ya uria ungi ona akorwo muragerera maundu mahanaine uria uraigua tiguo ucio ungi araigua no ciothe ni Ngaragu, Mundu anakorwo e muhutu uria muhunu ndamenyaga uria ucio ungi araigua no Ngai mwene hinya wothe niwe wiiguaga ruo rwaku akamenya uhutite atia, agacoka akarekereria tha ciake kuma gitiini kia unene ngaragu iria urari nayo igathira, Ngaragu to ya nda tu, nikuri ngaragu ya thayu, ya mbeca, ya mucie, ya ciana ya kwendwo na gwitikirika, riria utari na thayu nduonaga toro, utuku uraihaga maita meri, no kwi Ngai uninaga ngaragu ici ciothe na niwe Ngai, andu no makuone wimuthiru muno magutiganiirie tondu nduri mbeca makunyarare tondu nduri na muthuri na ciana no kwi Ngai wonaga maya mothe onao matari maramona, tha ciake itiri mihaka ikinyagira uria wothe wamwita, wamwihoka na wamweterera, uria wakenia ngoro yake ndaturaga weruini wa thina, ihinda ya kumwerekera riakinya utheri waku niguthera utheraga nayo nduma ituikaga o ta muthenya, ndugate mwihoko tondu Ngai niakuonete na niakuiguite mweterere na umwihoke ndangitira na ndangicererwo... Rathimwo na ugie na muthenya mwega
Posted on: Wed, 14 Jan 2015 03:26:06 +0000
Trending Topics
Recently Viewed Topics
© 2015