السلام عليكم معلومة صغيرة كدة وبسيطة وكلنا عارفينها ان شاء الله :) معلومتنا النهاردة ..معلومات شيقة مختصرة عن ال Aspirin : *كلنا عارفين ان ال aspirin دة عبارة عن acetylsalicylic acid وان هو analgesic ,antipyretic and anti-inflammatory ودة عن طريق انه بيعمل inhibation لل COX enzymes الموجود في الجسم واللي مسئول عن تكوين مواد تسمى ( prostaglandins (PGs ودول المفروض مسئولين عن حدوث ال pain و ال inflammation وال fever *بس للاسف ال aspirin دة non selective وبيعمل inhibition لل COX-1 & COX-2 Enzymes ولان ال Cox-1 دة له دور مفيد في ال GIT انه بيحمي جدار المعدة وبيزود سمكه.. فلما يحصله Inhibition نتيجة استخدام الاسبرين دة بيأثر على المعدة وممكن توصل لحدوث قرح في المعدة :( ...لذلك يفضل استخدام الاسبرين بعد الاكل لتقليل هذا التأثير ويفضل استخدام نوع يكون enteric coated tablets *طيب لية بنلاقي مثلا في روشتات اطباء النسا .. مكتوب اسبيرين لواحدة حامل ؟؟!! هما مش عارفين خطورة الاسبرين على الحامل ؟؟ هقولك .. لا طبعا عارفين بس انت اللي مش عارف :) المرأة الحامل بتكون معرضة ان يكون عندها نسبة عاليه من حاجة اسمها antiphospholipid antibodies .. اية دول ؟؟ دول بأختصار بيخلوا ال blood platelets يمسكوا في بعض ويتجمعوا ويكونوا تجمع دموي او تجلط .. ودة لانهم بيعملوا activation لحاجة اسمها Thromboxane A2 دة موجود على ال platelets ...وهو المسؤل عن حدوث ال platelets aggregation وزي ما احنا عارفين ال placenta هي المسئولة عن توصيل ال oxygen and nutrients للجنين .. بالتالي لو ال platelets اتجمعوا وكونوا تجمع دموي حوالين ال placenta هيقفلوها وبالتالي هيمنعوا وصول الاكسجين والغذاء للطفل وبالتالي يحصل اجهاض طيب اية دور ال aspirin ؟؟ قالك ان ال aspirin بجرعة صغيرة جدا تسمى جرعة الاطفال وهي 75mg , 81mg or 100mg واللي بيكتب كتير ال 81 بيعملوا inhibation لل Thromboxane A2 دة الموجود على ال platelets وبالتالي يمنع حدوث تجمع دموي واللي زي ما قولنا ممكن يحصل حول المشيمه يعني هنا الاسبرين بيتخدم ك prophylaxis واثبتت الابحاث ان الجرعات الصغيرة من الاسبرين لا تؤثر على الحمل بشكل سلبي ... والخطورة بتكون في الاسبرين العادي اللي تركيزه 320mg ,,, وزي ما قولنا يتاخد بعد الاكل ويفضل يكون نوع enteric coated وجرعته بتكون مرة واحدة يوميا ولذلك برضو بيتسخدموا الاسبرين بجرعات الاطفال للحماية من حدوث جلطات القلب *معلومتنا الجديدة بقى انه في ابحاث ( يعني لسة مازالت مجرد ابحاث ) اثبتت استخدام ال aspirin بجرعات صغيرة في علاج ال infertility لل females ..ازاي دة ؟؟ غالبا بستخدم لل females اللي بيعانوا من وجود thin endometrium وبيعانوا من ال infertility الابحاث اثبتت ان ممكن نستخدم الاسبرين مع الادوية اللي بتاخدها ال female علشان تزود ال fertility ودة لان ال aspirin بيزود ال blood flow لل uterine and ovaries وبالتالي بيزود عدد البويضات اللي بيطلعها ال ovary ..وكمان بيزود من سمك ال endometrium المصدر babyhopes/articles/what-is-baby-aspirin-and-how-is-it-related-to-fertility.html womenandinfants.org/fertilityandpregnancy/ivfguide/baby-aspirin-information.cfm يا رب اكون قدرت افيد بحاجة بسيطة :) لا تنسوني من صالح دعائكم :) والسلااام عليكم Dr-Menna Hamdy #منة_حمدي
Posted on: Wed, 04 Sep 2013 10:15:52 +0000
Trending Topics
Recently Viewed Topics
© 2015