السلام عليكم يا جماعه بالله عليكوا ساعدوني لاني منهاره من الصبح ومش عارفه اعمل ايه انا مخطوبه من شهرين بس عارفه خطيبي من حوالي 8 شهور المهم النهارده لقيته جالي وكان باين علبه انه متغير اوي وقعدت اسأله مالك يقولي مفيش ف موبايله كان قدامي فبصيت فيه بالصدفه لقيته فاتح ع الصفحه بتاعتي علي صور وبوستات قدييييييمه اوي حتي انا مش فكراها قولتله انت كنت فاتح الحاجات دي ليه قام فاتحلي صوره انا كنت منزلاها وفيها كومنات ليا انا واصحابي منهم ولاد فقولتله هو ده اللي مخليك قالب عليا من الصبح قام رد عليا بزعيق وقالي ده منظر يعني في واحده محترمه تتكلم مع ولاد كده مع ان اقسم بالله ما فيه حاجه خارجه خالص كلام عادي وانا عارفه اني غلطانه بس الكلام ده من 2010 حتي قولتله ده من قبل ما اعرفك بكتييير وندمانه عليه فضل يزعقلي برده انا قولتله انت ليك تحاسبني من يوم ما غرفتك بس الماضي ده بتاعي وانا مبخبش اللي يدور ورايا واكيد انا لو عملت زيك ودورت وراك هلاقي بلاوي لان هو كان حاكيلي علي كذا موضوع كده وانا سامحته قام برده مزعقلي وقالي ما تدوري ولا تعملي اللي تعمليه انا اصلا راجل وعادي ومن ساعتها مش بيكلمني قولولي بالله عليكم اعمل ايه او اصالحه ازاي وافهمه ان ده ماضي وخلص اسفه ع الاطاله معلش
Posted on: Sat, 16 Nov 2013 02:25:34 +0000
Trending Topics
Recently Viewed Topics
© 2015