ثلاث سنين! الحجامة كتبت فيهم كتاب! ومحمد ولدها قريب إعدي الباك! وزراء بن علي خرجو من الحبوسات... ما تكعبرت كان للفهري... ورشيد عمار خرج أنتريت، وازاد بادي عرس، وياسين العياري عمل حزيب، ومحمد عبو قريب يبني الطابق السابع في الفيلا إمتاعو... والقصر الرئاسي قريب إولي بار السعدي والحماص اللي بجنب القصر قريب يشري فيراري... والجبانة وخاصة جناح الشهداء قريب تعلق "شباك مغلق COMPLET" ماعادش فيها بلايص... والكيلو لحم ولى بـ21 دينار والدجاج بـ6! ومحرزية قريب بش تولي "تسنيفي" بالدولار وتاخو Q7 ثانية، وتومية خذات كليو... واسامة بن سالم قريب ينافس بارلوسكوني بباقة قنوات الزيتونة تي في... واللوسي عادك بيه إيهد على البنك المركزي... والزوالي مازال يستنى في الماكينات "من قراطسهم" اللي جايين من الخارج ولي وعدهم بيهم المرزوقي... وسيدي بوزيد باقي يستنو في الـ400.000 موطن شغل إلي وعدعم بيهم البحيري... والخوانجية مزالو يستناو في تحرير فلسطين إلي وعدهم بيها الجبالي... الزبلة في الشوارع تستنى في شكون يهزها... والشعانبي يحرق كيف ما تحرقو من قبله الشباب مالبطالة... والنهضاوي قفتو فارغة ويعيط "شرعية شرعية"... هذا الكل عمل فيكم الشوكوطوم!؟؟!!
Posted on: Fri, 30 Aug 2013 00:19:03 +0000