سنة تالتة ابتدائى ..طلعت الاول على المدرسة ...ومن سعتها مهوبتش ناحية الاوائل تانى :( لا شك عين صابتنى ولكن رب العرش نجانى :) من ال20 الاوائل بتوع دفعتنا ...اصحابى فيهم 4 أو 5 ..وشوية اعرف شكلهم وناس معرفهمش خالص اصلا ...ولا حتى شكلهم بس جميع الاوائل ....اللى اعرفهم ومعرفهمش...جميعهم وليس كلهم ...اشتركوا فى شئ واحد ....على رغم اختلافهم فى حاجات كتير قوى قبل اى امتحان نظرى /شفوى /عملى ....بتلاقيهم جايين بدرى قبل الامتحان بعكس مشهد شوفناه لطلبة كتير على مدار 6 سنين لطلبة كتير قوى ..ز.اشتركوا كلهم برده انهم عمرهم ما كانوا من الاوائل (انا كنت واحد منهم) ...وهو : قبل كل امتحان نظرى الراجل شغال يزعق فى الميكرفون: يالا يا دكاترة....بسرعة يا دكاترة ...الامتحان هيبدأ " وفى ناس ماسكة الكتاب ...مش سايبنه ولا حتى عايزين يسيبوه ... ولو دخلت جواهم ...لتمنوا على الله ...ان الامتحان يتأجل دقائق ودقائق حتى يكملوا المنهج ...والمراجعة اللى نفسهم فيها وهكذا فى امتحان شفوى والعملى ...مش عايزين يخشوا فى الاول :) :) كل اللى انا كتبته ده ...هو اللى بيجى فى بالى لما أقرأ قوله تعالى : # وأنفقوا مما رزقناكم من قبل أن يأتي أحدكم الموت فيقول رب لو لا أخرتني إلى أجل قريب فأصدق وأكن من الصالحين # ولن يؤخر الله نفسا إذا جاء أجلها والله خبير بما تعملون # الانعام 10-11 بيتعرض عليك فرص كتير تدفع صدقات(أو أى عمل خيرى من الصالحات) (زى ما اعطى لك وقت كتير طول السنة ...عشان بس تذاكر ) بس هتيجى لحظة الموت ...الناس بس اللى مش هيخشوا الجنة عارفين انهم ضيعوا فرص كتير ( زى اللى مش بيذاكر طول السنة /او مش بيذاكر كويس)...ويجى عند الامتحان فيوقل يارب اخرنى لحظات بس اصدق ( اخرنى دقائق ابص فى ال chapter ده)..او مدخلش الشفوى الاول /العملى الاول ..عايز اراجع شوية أما عن قوله تعالى: ولن يؤخر الله نفسا إذا جاء أجلها والله خبير بما تعملون الله سبحانه وتعالى خبير بما تعمل ... عارف ان كنت ايه طول عمرك ..ونيتك وحياتك فاخترلك الوقت ده تموت فيه ...اخترلك ان اللجنة الامتحان الحقيقية ..والنهائية اللى مفيهاش واسطة تكون دلوقتى ...لأنه عارف لو ادالك الفرصة تانى مش هتصلى ولا تزكى ولا تتصدق ولا هتنيل اى حاجة فى حياتك (فى مثالى هنا ...عارفك مش هتذاكر) لو انت كنت من الاوائل ...مش هتحتاج تقول يارب ادينى دقيقتين ارجع (اعمل اى عمل صالح) لو انت مكنتش....والعياذ بالله :( :( اصعب لجنة فى حياتنا هى الموت ...امتحان اسئلته معروفة (من ربك/دينك/رسولك) ...بس مش معروف وقته ...والاجابة هتعتمد على انك مذاكر طول السنة (الاعمال اللى عملتها طول حياتك)....مش بس اخر سنة /شهر ...زى الكلية الفاشلة والثانوية العامة الفاشلة لازم تكون من الاوائل ...اللى جاهزين علطول..بس اوائل الاخرة طبعا :) المفاجاة بقى ...اذا كان الاوائل هيخشوا الجنة ...مش كل الناس هتكون مع النبى فى الجنة :) :) فى فصول متفوقين :) ملحوظة: ان كنت اصبت فدا من توفيق الله وان اخطأت فمن نفسى والشيطان .. طبعا لا اقصد اطلاقا ان اوائل الدفعة هيخشوا الجنة والباقى كفرة ...ياريت محدش يفهم كده غفر الله لى ولكم
Posted on: Mon, 26 Aug 2013 19:13:51 +0000
Trending Topics
Recently Viewed Topics
© 2015